Скопје, 02 април 2009

Вицепремиерот Зоран Ставрески, министерот за информатичко опшество Иво Ивановски и в.д. градоначалникот на општина Карпош Сашо Димиќ денеска го промовираа проектот за изградба на Национален фудбалски тренинг - центар на просторот зад салата „Борис Трајковски“ и хотелот „Александар палас“ во општина Карпош. Изградбата на центарот  ќе чини околу три милиони евра, а ќе се реализира со пари на УЕФА на државно земјиште со површина од околу 10 хектари,  отстапено без надомест од Владата на Република Македонија, а општина Карпош ќе се откаже од комуналиите за објектите што ќе се градат.

Скопје, 01 април 2009

Вицепремиерот Зоран Ставрески, министерот за информатичко општество Иво Ивановски и в.д. градоначалникот на општина Карпош Сашо Димиќ во Трговскиот центар „Лептокарија“ денеска промовираа два проектa од информатичката технологија.  

Скопје, 30 март 2009

Основното училиште „Христијан Тодоровски Карпош“, најстаро на територијата на општината Карпош, по 55 години постоење првпат ќе добие фискултурна сала, во рамки на проектот на Владата за изградба на 145 училишни спортски сали. Салата ќе има површина од 650 метри квадратни и треба да биде отворена на почетокот на следната учебна 2009/2010 година кога ќе и биде предадена на користење на општината Карпош.

Скопје, 27 март 2009

Економската соработка меѓу Македонија и Италија е одлична меѓутоа има простор да се направи многу повеќе особено во делот на инвестициите. Поттик на соработката и инвестициите и нови иницијативи треба да даде Мешовитиот комитет на италијански и македонски претприемачи што се одржа во Скопје под покровителство на италијанскиот амбасадор и вицепремиерот Зоран Ставрески, кој е почесен претседател на Комитетот.

Скопје, 19 март 2009

Заменик - претседателот на Владата на Република Македонија, Зоран Ставрески и министерот за транспорт и врски Миле Јанакиески денеска во општина Илинден го поставија камен-темелникот на дистрибутивниот центар на компанијата за мини печива „Форнети Соле“.